木槇料理 (Closed)

今日約左同朋友仔去灣仔食lunch, 揀左去QRE嘅木槙料理食日本菜。一入到去環境舒適乾淨，可以一邊望住合和個景，一邊同朋友仔食飯傾計。適合三五知己吹水聚舊。Lunch set 嘅選擇都幾多，成日食都唔洗怕悶。今次叫左北海道三色刺身飯定食，有我最鍾意嘅海膽同三文魚子，定食包一客湯烏冬，沙律同日式蒸蛋。刺身非常新鮮，唔會有腥味，值得一試！尤其係海膽，個人推介。雖然午餐黎講唔算好抵食，但係刺身新鮮，絕對值回票價。