Casa Di Thali (Closed)

呢排病到口淡淡，想食D有味D嘅食物，係奧海城行完街，搵到呢間由印度人主理嘅印度+西式菜，於是決定入黎買外賣返屋企一試，一試之下，點知好有驚喜，值得同大家推介呢日我地叫左個Parma Ham Pizza（$118）、Squid Ink Chittara（$128）、Tikki Chaat同埋Chocolate Tiramisu（$45）。個Parma Ham Pizza份量好大，當中嘅巴馬火腿鹹香味濃，而整個餅底烤得金黃，配上芝士批邊及火箭菜襯底，口感豐富，十分美味。至於個Squid Ink Chittara，除了墨魚汁外，亦以香濃嘅蕃茄醬襯底，意粉都好彈牙，口感豐富。我個人好鍾意個Tikki Chaat，佢係將自家製嘅乳酪酸辣醬同蕃茄醬放係一個煎咗嘅薯蓉鷹嘴豆餅上面，然後再係上面灑上脆脆，鷹咀豆健康又美味，整體酸酸地又味濃，都幾開胃之餘，口感極具層次。最後享受埋個Chocolate Tiramisu，佢唔會太甜，質地又唔會太淋，食完味濃嘅食物，再食返呢個清清地嘅Tiramisu，感覺完全岩岩好~~Casa Di Thali地址：大角咀海庭道8號富榮花園二期地下57號舖