炊豕店 (威靈頓街) (Closed)

今日去咗「炊豕店」位於中環威靈頓街分店食lunch，店舖唔算好大，目測有大約3x位左右，枱與枱之間有用隔板相隔，防疫措施做得足👍🏻「炊豕店」顧名思義就梗係主打豬肉類食材啦，餐牌都仲有幾款小食，例如：炸魚蛋、凍豆腐等可選擇。由於係第一次嚟食所以就揀咗人氣推介「蔥油豬扒飯」，如果自知食量唔大嘅就建議叫少飯，唔會浪費食物之餘仲可減$1。蔥油豬扒飯 （$64）少飯 （-$1）加炒滑蛋 （+$10）豬扒飯份量十足，塊豬扒真係有成塊面咗大，炸粉嘅皮好薄而主角厚切豬扒就處理得好稔，上台嘅時候已經貼心咁切好哂，方便進食。另一個主角炸蔥油堆滿係豬扒山上面，唔好睇佢好似好油膩咁，食落又無哩個感覺喎，反而係畫龍點睛，用佢嚟送飯簡直一流，而加點嘅炒滑蛋就有少少過熟咗。