深燒酒 (Closed)

今日同同事一行四人行遠少少去到呢間深燒酒。其實原本都唔諗住食佢，但附近啲餐廳都好多人…我哋嗌咗四個餐share食，包前菜，包野飲。我哋嗌咗黑椒牛柳、蜆蚧雞、洋蔥汁煎雞排同埋馬拉盞干通菜。啲名聽落係茶餐廳野，估唔到又幾好食！特別係馬拉盞干通菜！味道有啲似蝦乾醬炒通菜，但佢唔會好heavy，送白飯一流。不過佢一星期換一次餐牌，下星期啲野唔知好唔好食呢。 順帶一提，餐廳食晏免加一，灣仔地區來講，價錢非常合理。