吃貨

Open Now

Now Closed

星期日中午探完朋友見肚餓，就行下商場有咩食。本身好少過黎馬鞍山呢邊，個商場基本上除左連鎖店都冇乜選擇。見到呢間小食店好似新開冇耐，啲野食同野飲都唔貴就諗住試下。買左一個雞堡同豬堡、芒果梳打西柚梳打、鹹酥雞，出乎預料比想像中好味道。講緊嘅係每樣只係廿幾蚊大大份又大大杯，簡直抵到爛。啲野食見到係即叫即整，尤其係個雞扒包同鹹酥雞勁juicy，野飲有埋果肉俾你，唔似出面乜都冇，最後埋單百零蚊食完好滿足。間野老細原來係後生夫妻檔，仲幾風趣幽默，希望可以繼續保持水準，下次再過黎再試下其他款式。