正宗山西刀削麵店 (Closed)

早上十一時經過荃灣，原本想來快閃吃個米線，可是時間太早, 附近的米線店都未開門。好想食辣，見這間山西刀削麵已在營業，所以就入來試一下。由於時間太早，我是唯一一個客人，點了餐，話咁快就到。單拼45,雙拼48, 當然係叫雙拼，岩哂我呢啲一次過想食多唔同野嘅吃貨。麻辣肚絲拼大腸，麻辣醬下了不少，但唔算好麻辣。鹵水大腸炆得淋淋又入味，好食。肚絲爽口清涼，配埋麻辣油蒜蓉真的好開胃。蒜泥豬手，份量不少。豬手煮得淋，又有點咸香;蒜泥中有生蒜粒，加入了酸醋，令豬手冇咁膩，味道清新感立即提升了不少，十分驚喜。刀削麵配以多䓤醬油湯底，麵質煙韌好咬口，大大碗非常飽肚。 加多杯冰凍豆漿，唔太甜，非常滿足。