民華餐廳

Open Now

Now Closed

今日訓醒超肚餓，應承左幫女朋友去旺角買啲野，訓醒即刻出門口。去到旺角，即刻搵間餐廳食個飯。見到常餐menu好吸引，選擇好多就叫左一客試下啦！麵類款式好多，款款都好吸引架！我叫左鮮茄叉燒通粉。鮮茄味濃夠酸甜，茄味都算突出。湯底唔油膩，好清甜，叉燒好爽嫩，厚薄適中，通粉粒粒好彈牙唔會煮左好耐。另外叫左午餐肉、炒蛋配多士。多士用牛油烘得好香口。炒蛋最驚喜，好滑蛋味好重。午餐肉香煎咸香惹味！食完唔飽再叫多一客西多士。即叫即炸，加上牛油和鍊奶，好正啊！熱辣辣超滿足。