德意餐廳 (Closed)

今日搵食搵到黎大埔，見到有間裝修唔錯嘅西餐廳。餐廳佈置好有德國🇩🇪風味，小店黎講咁有心佈置值得一讚👍🏻本身想試個牛扒餐，但朋友唔食牛，咁就同朋友一人一個晚餐。點左個夏威夷菠蘿煙肉薄餅，同埋豬肉芝士漢堡。晚餐仲會有沙律/餐湯同飲品，$100左右非常抵食。前菜味道都唔錯，我最鍾意個蒜蓉包，香脆可口。漢堡包方面賣相精緻，慢煑手撕豬肉配上芝士非常可口，薯條夠多又脆一個人食都有啲飽。Pizza就啱曬同朋友Share食，煙肉菠蘿呢個配搭當然係無得輸。作為德國餐廳記得要試埋其他德國特色小食同加錢飲杯啤酒🍻最後捧着個肚走都只係二百幾蚊，性價比非常高，可惜嘅係離我真係有啲遠，今日一別唔知幾時先可以再返黎🥹