船皇 (謝斐道) (Closed)

想食下啲麵類既食物，就搵到呢間想試下。佢款式幾多，想係咁試既可以叫幾碗細碗。我地就叫左一個三號，一個四號。四號明顯係小妹揀既，滿足貪心既人。依款係牛腩，牛肉片，牛丸湯麵小辣。揀左金邊粉。湯唔係超濃，不過好清甜。推介！牛腩係最驚喜，好腍，好好味！船皇湯麵就咩都有啲！揀左蛋麵！都係小辣。牛肉丸，豬肉丸每樣一粒。雞翼就一隻。啲肉就每樣有幾舊，幾片咁樣。樣樣配菜既質素都好平均，牛腩係最好食，雞絲都唔錯！個雞翼略嫌太腍。價錢唔太貴。幾推介。