金滿膳燒味餐室 (Closed)

牛頭角呢間新開既茶餐廳竟然有唔少既串燒燒物，中意香口野既我地忍唔住就要黎試下，竟然好有驚喜！先有串燒🍢 雞軟骨串 $16同埋雞腎串$16，全部串燒都用上孜然粉做調味，好香好正，雞軟骨爽脆有咬口，又唔會太硬，雞腎都唔好有趙頭，口感好好，超好食！之後就係海鮮，麻辣小龍蝦$228🦞同埋燒生蠔 $68.3隻🦪，小龍蝦唔細隻，又肥美，加上麻辣香料調味，食辣愛好者一定停唔到口呀👍🏻而生蠔都好大隻，燒完都有半隻手掌咁大，鋪上滿滿蒜蓉辣椒，香味十足，超級惹味！