圓山台灣料理 (Closed)

某次經過圓山，係the one 附近，朋友話，啲蜆好滑。咩叫啲蜆好滑？因為呢句費解既comment, 我黎到圓山食晚餐😂原來佢係酒樓格局，中午有點心，晚市有小菜、海鮮。menu好大本，好多菜式，感覺台菜粵菜都有🤔前菜爽口帶蒜味。呢個就係朋友推介既炒海瓜子(蜆)！台式口味加入九層塔，海瓜子粒粒漲卜卜，勾埋小小芡真係又滑又肥美！呢個肉鬆皮旦豆腐係必點！呢個幾驚艷，咁簡單既配搭原來係咁好味！最特別係啲皮蛋冇乜味，我鍾意~呢間店有滷肉/肉燥飯。唔太好肥肉既我選了後者。肉粒瘦得黎唔會太乾，淋上肉汁，滿足~炒A菜即係我地叫既油麥菜。呢碟都幾淡口，平衡一下。三杯雞的三杯，一般指的是麻油、米酒、醬油各一杯，加上九層塔帶來的濃重口味菜式。一直只聞其制法，未嘗一試的我終於係香港試到。三杯雞以熱鍋送上，尤如香港既嘟嘟雞，滾熱濃口！紅棗糕上桌時新鮮蒸起，棗味濃郁。同我一樣係紅棗迷既必試🤤🤤🤤最後打卡會送椰汁紅豆糕，椰汁味幾濃~食完我下次會推介呢間野作為家庭聚會，服務快得黎又有禮，一般酒樓實在食到厭啦👵🏻