Season Plus (Closed)

今日到摩羅廟街見客，順便和客人食lunch, 客人帶我去西街，一段小小的斜路，舊與新的交融，而Season Plus就是位於這樣有特色的小街中。餐廳門外以一大片橙紅色的楓葉作裝飾，好sharp好搶眼，係一個好hit嘅打卡位。店子不算太大，但座位舒適，佈置和燈光亦令人十分放鬆，可以好好慢活一個下午。炭燒牛仔肉沙律$98~牛仔肉肉質有咬口和頭，亦有炭燒香味，配羅馬生菜，青瓜和車厘茄，又新鲜又健康。牛油蒜蓉焗虎蝦(5隻)$78~虎蝦肉質十分爽彈，牛油和蒜蓉味非常香濃，好好味呀。伴碟有生菜和車厘茄。威爾斯羊西冷$148~羊肉肉質柔軟嫩滑，羊味濃郁，肥膏位置焗得好香，肥而不腻，最好和肉一起吃。配菜有羅馬生菜，車厘茄和薯角，薯角炸得十分香脆，好味。牛油蒜香蜆肉意粉$128~蜆肉又肥美又新鮮，充滿海水味，好正!意粉爽口又彈牙，配有車厘茄，蘑菇和大量蒜片，蒜香味濃，好好味呀。咖啡$28~ 滴漏咖啡味道香濃，質素很不錯。