雅閑泰

Open Now

Now Closed

帶住條魚🐠搵食之元朗紅磚屋有質素泰菜《雅閑泰》🐠辣椒煲炒大蟶子蟶子新鮮肉質肥美彈牙，炒得啱啱好，保持咗嫩滑嘅口感，食落去非常爽口，至於調味方面，呢道菜嘅靈魂就係佢嘅辣椒煲。泰式辣椒煲嘅味道濃郁辣中帶微甜，帶出咗蟶子嘅鮮味，辣椒嘅辣度恰到好處，唔會太過刺激，但又足夠令你食到滿頭大汗，正👍🏻🐠椒鹽瀨尿蝦首先，講下啲瀨尿蝦。啲蝦新鮮肉質彈牙，炸得啱啱好金黃酥脆，每一啖都充滿著鮮味，外脆內嫩，唔會過乾或者太油膩。而且瀨尿蝦仲好大隻，簡直大滿足，調味方面，椒鹽嘅鹹香味濃郁，帶有少少胡椒嘅辣味，加上啲蒜蓉同辣椒碎令整個菜式更加惹味，味道層次更加豐富🐠飛天通菜每次食泰菜必嗌嘅飛天通菜，佢哋都係我數一數二食過有水準，通菜炒得爽脆，菜嘅嫩葉同埋脆莖都保留咗嫩脆口感，佢哋用咗泰國特有嘅香料同醬汁，更加惹味🐠黃咖喱牛筋腩配烤薄餅牛筋腩煮得非常入味，軟腍而不爛，肉質滑嫩有濃郁牛肉香味，至於咖喱汁口感濃郁，帶有椰奶嘅香甜味，再加上少許咖喱香料，配上薄餅烤得香，口感酥脆。將薄餅撕開，沾上濃郁嘅咖喱汁，絕對係絕配🐠烤薄餅（冇蔥）難得遇上好味嘅咖喱汁薄餅梗係要encore多一次，今次我哋揀咗原味，雖然冇咗蔥味，但原味