Video
Read full review
2011-06-24
27 views
IP Café一向好評如潮, 以大新visa card簽賬仲有85折優惠(原價$328∕位), 特慕名前來一試。 港島太平洋酒店位處偏僻, 交通極為不便, 不過佢地既優點在於泊車免費, 晚上十點後才會收取費用。由於酒店採「先到先得」制泊車, 我地怕無車位既情況下早到左, 泊到車位卻要等候入場, 等候期間又無位坐, 感覺酒店係呢方面實在serve得唔夠體貼囉=.=〔因為好多酒店係buffet未開始前,都會先讓人入座等候的〕餐廳既環境確實唔錯, 柔和既燈光下更顯優雅, 唯一缺點係地方太細喇, 一眼睇哂有几多座位, 心裏已盤算緊: 「唔慌多嘢食」, 果然不出所料, 不論冷、熱盤定係甜品, 通通好少款式, 十隻手指數得哂有餘L 不過酒店好識將功補過, 驚喜浪接浪…海鮮: 首先為每位客人贈送半隻芝士焗龍蝦, 雖然無咩肉食, 但個賣相十分討好, 餡料豐富再配上香滑既芝士忌廉汁好正。 長腳蟹既上半截肉身過鹹但肉質新鮮, 蟹箝部位啖啖肉, 食過番尋味。 翡翠螺几脆口, 串燒蝦無特色。 椒盬瀨尿蝦雖然細細隻但惹味非常, 烹調得恰到好處, 個殼亦唔會鹹到蓋左瀨尿蝦本身既鮮味。 清蒸魚又老又鞋, 難食兼有泥
餐廳既環境確實唔錯, 柔和既燈光下更顯優雅, 唯一缺點係地方太細喇, 一眼睇哂有几多座位, 心裏已盤算緊: 「唔慌多嘢食」, 果然不出所料, 不論冷、熱盤定係甜品, 通通好少款式, 十隻手指數得哂有餘L 不過酒店好識將功補過, 驚喜浪接浪…
海鮮: 首先為每位客人贈送半隻芝士焗龍蝦, 雖然無咩肉食, 但個賣相十分討好, 餡料豐富再配上香滑既芝士忌廉汁好正。 長腳蟹既上半截肉身過鹹但肉質新鮮, 蟹箝部位啖啖肉, 食過番尋味。 翡翠螺几脆口, 串燒蝦無特色。 椒盬瀨尿蝦雖然細細隻但惹味非常, 烹調得恰到好處, 個殼亦唔會鹹到蓋左瀨尿蝦本身既鮮味。 清蒸魚又老又鞋, 難食兼有泥味。
刺身限量供應, 生文魚只屬普通貨仔。 甜蝦要自己剝殻, 略帶黏黏口感, 滑溜鮮甜。 壽司就有好几款eg: 生文魚、熟蝦、甜蛋、腐皮、太卷等等, 食落口感麻麻。
熟食: 羊朳羶味太濃, 未必人人喜歡, 嗜食羊肉如我就不敢再恭維。炆元蹄炆得軟腍適中。 炆雞頗嫩滑。豉椒炒蜆炒得唔夠入味。 豉汁蒸白鱔夠爽口彈牙。 荷葉飯唔夠靓仔味道又差。 冬瓜盅清甜消暑, 連BB都飲到笑笑口。雞蓉粥比較淡味。Pizza倒算香口不錯。
甜品: 士多啤梨慕絲蛋糕d慕絲好酸, BB食左一小口已經乸埋塊臉。芝士蛋糕香濃軟滑, 令人回味。朱古力蛋糕入口香濃, 味道甜而不膩, 一口接一口, 難以抗拒既誘惑。粟子蛋糕好鬆軟, 令人吃得好滿足。酥皮拿破侖蛋糕細細件鬆脆可口, 好有吸引力。黑糯米入口煙韌而不黏牙。炎炎夏日, 正好食番碗西瓜雜果盅, 直頭透心涼! 生果有好几款: 切片西瓜、哈蜜瓜、菠蘿丶橙及切粒火龍果各屬一般。 紅柚則太酸。任飲紅、白酒、啤酒、汽水、橙汁、茶、檸、啡而待應們會不停為你服務如收碟添飲料。
喜出望外既有雲呢嗱及士多啤梨味既Hazen Daz雪糕, 可惜雪得太耐, 味蕾感官上已無法分辨出其幼滑度。 另有雀巢朱古力棒。
最大驚喜係每檯均奉送蛋糕一個, 還精釆地附上少量生果, 圖案形朱古力片及甜忌廉唧花袋等裝飾材料俾大家來個DIY, 仲奉上盒子方便帶回家分享。 美中不足既係甜忌廉太淺色, 寫唔出心意, 相信若換上朱古力∕紅莓醬會比較出色。 眼見場內衆子女都忙於創作及合照, 一時之間好warming, 又點捨得唔俾個笑臉你呢?!
Post
