Video
Read full review
2018-09-12
98 views
善茶今日約左朋友係尖沙咀食飯，見未夠鐘就周圍行下，見白蘭軒道巷仔有間裝修富有港式情懷既飲品店，就比佢吸引左。原來佢主打港式地道飲品，見到餐牌有港式絲襪奶茶就毫不猶疑揀左黎試，話哂奶茶係本地特色飲品，每次去茶餐廳都一定會叫，一試便知龍與鳳。店員好細心，知我依啲怕肥既女仔重視糖既比例，仲介紹我飲微糖去冰，咁先飲到茶底既回甘。見到奶茶隻色就知茶同奶既比例岩岩好，飲落茶味夠濃，整體口感香滑，唔似珍珠奶茶咁奶白同死甜。見到menu仲有平時係茶樓飲到既壽眉，普洱同香片揀，下次可以帶媽咪黎飲，唔怕佢話我成日飲埋啲無營養又要排隊既珍珠奶茶啦🙈 朋友就揀左店員介紹既蜂蜜柚子香片，飲落有少許驚喜，有别於一般柚子茶，依個反而係茶味較重，唔嗜甜既朋友經過可一試。冬天飲熱蜂蜜柚子香片應該唔錯，$22抵過連鎖店既果茶!一杯奶茶$26依個價位同係茶餐廳飲差唔多，唔算太貴，價錢中等。其中一個會回頭既原因係依度有打卡位，同朋友影相post ig story真係唔錯，有種80年代感覺。最warm係每買一杯，善茶就捐$1比慈善組織，經過買杯茶仲可以做到善事，唔怪得叫善茶啦! 意念確實唔錯
今日約左朋友係尖沙咀食飯，見未夠鐘就周圍行下，見白蘭軒道巷仔有間裝修富有港式情懷既飲品店，就比佢吸引左。原來佢主打港式地道飲品，見到餐牌有港式絲襪奶茶就毫不猶疑揀左黎試，話哂奶茶係本地特色飲品，每次去茶餐廳都一定會叫，一試便知龍與鳳。
店員好細心，知我依啲怕肥既女仔重視糖既比例，仲介紹我飲微糖去冰，咁先飲到茶底既回甘。
見到奶茶隻色就知茶同奶既比例岩岩好，飲落茶味夠濃，整體口感香滑，唔似珍珠奶茶咁奶白同死甜。見到menu仲有平時係茶樓飲到既壽眉，普洱同香片揀，下次可以帶媽咪黎飲，唔怕佢話我成日飲埋啲無營養又要排隊既珍珠奶茶啦🙈
朋友就揀左店員介紹既蜂蜜柚子香片，飲落有少許驚喜，有别於一般柚子茶，依個反而係茶味較重，唔嗜甜既朋友經過可一試。冬天飲熱蜂蜜柚子香片應該唔錯，$22抵過連鎖店既果茶!
一杯奶茶$26依個價位同係茶餐廳飲差唔多，唔算太貴，價錢中等。其中一個會回頭既原因係依度有打卡位，同朋友影相post ig story真係唔錯，有種80年代感覺。最warm係每買一杯，善茶就捐$1比慈善組織，經過買杯茶仲可以做到善事，唔怪得叫善茶啦! 意念確實唔錯
Post
