The Pantry (Closed)

本來係西九文化區個邊諗住租單車，點知比人租哂。我地成班朋友無野做，唯有去圓方食個下午茶填肚先。呢間餐廳之前聽同行朋友提過，話食物好味，只係價錢有點貴。另外佢又大力推薦呢到嘅班戟，所以我地都想試試。The Pantry's Pancakes我地幾個叫咗呢份應該係餐廳招牌嘅班戟。餐牌寫住係以Rictotta厚班戟、焦糖牛油加上雜莓製成。先淋上甜絲絲嘅糖漿，將少許牛油同雜莓拌以班戟同食，超級滿足。班戟嘅蛋香好濃郁，口感鬆軟但未至於入口即融咁，會保留返少少類似蛋糕嘅質感。雖然成份都好邪惡，但好好味。整體味道都偏甜，但都接受到，食完唔會太滯太膩。Berry Bliss Smoothie另外我叫左一杯smoothie，入面有士多啤梨、藍莓、紅桑果、枸杞同乳酪，味道相對普通，味道偏酸，印象中細細杯咁。