蚊蚊豬老火鍋 (Closed)

主打雞煲/烤魚/火鍋，係深水埗同太子都有分店。係我私心推介性價比極高嘅選擇之一。2小時任食雞煲烤魚火鍋，每人都唔使$300。烤魚湯底4選1，揀左香辣味，味道好香好濃。清江魚好大條，外層煎得香脆，內裡魚肉厚實嫩滑，條烤魚質素實在不錯。轉藥膳湯底繼續打邊爐。大讚牛肉拼盤🙌🏻有牛肩嫩肉/封門柳/牛舌/牛板腱。賣相擺盤不錯。牛板腱牛舌鮮嫩彈牙、牛肩肉油花味最濃。食牛都已經抵返哂。海鮮選擇雖不多，但都有幾多小食揀，仲有串燒架（但部分要加錢）。免費嘅飲品選擇都唔少，仲有啤酒添🍻而甜品就係Da Dino雪糕（檸檬味最好食）。