小王牛肉麵

Open Now

Now Closed

黃大仙人緊係原區行街多，近來依個場商多左個間食台灣嘢嘅餐廳！點都要去試試！未入去食之前，依間餐廳第一印象喺好快有位，唔駛等好耐！不過第二印象就開始差咗啲啲，環境裝修真係幾好，但唔知點解仲有種好油淋淋嘅感覺！所以影到啲相都滿面油光！依點真喺值得改善！叫得牛肉麵，第一次點都叫佢主打嘅《原汁牛肉麵》同《鹽酥蚵仔》啦！依碗牛肉麵味道真喺好濃郁，小弟食得咸，都覺得幾咸！但藥材味嘅湯底喺好有驚喜！麵底喺白麵，期望唔會好似黃麵咁有咬感，但依碗牛肉麵嘅麵底真喺幾好，好有口感，又改觀喎！《鹽酥蚵仔》就真係麻麻，好咸，咸到食唔到蚵仔嘅味道！好多朋友都話無元祖台灣咁好味！但總體小弟本人都覺得好有驚喜，但依然有其他改進嘅空間！不過真喺好想去台灣食一次！