新南苑私房菜火鍋鷄煲 (華僑商業中心) (Moved) New Location

我同阿王有個地方好似，邊忽似？同佢一樣鍾意打邊爐，今日就同朋友黎到新南苑烚下烚下。雖然唔係街鋪，位於華僑商業中心三樓，但都唔算難揾，今次牛魔王我無揀到牛套餐，試試佢地同價位嘅海鮮餐。地方大但多人時就會變得稍為迫，醬油，菜，飲品都係自助型式去自取，人多擠迫時就要小心dd。自助區有少量熟食，我就試咗佢地嘅麻辣豬皮魚蛋鴨血，唔係d咩貴價食物，但一d都唔馬虎，全部都好入味，鴨血一舊難求，足證人人都愛。雞煲好食，我地食咗兩個先開始打邊爐，店員先送上海鮮盤，裡面有大大隻蝦，鮑魚，蟶子，蜆，新鮮魚片等，非常豐富，最令我地驚喜嘅係碟牛頸脊，肥瘦均勻，入口即化，牛肉味非常濃郁。