瑞士咖啡室 (Closed)

是日午餐 經過新開的瑞士咖啡室！ 呢間咖啡室其實都係一間茶餐廳，但其裝修甚有特色！以綠色作為主色配上風味懷舊牆紙，喺工業區嚟講實在有心思！今日12:30到達餐廳，幸運地唔需要等位 與同事點左咖喱牛腩農夫包(限定!!) 同 瑞士汁牛河~咖喱牛腩農夫包勁好味！老闆話唔係日日有架！個包非常鬆脆，然後沾滿咖喱係好夾的！完全唔覺得重口味！而咖喱牛腩都炆到好軟，完全勁入味，值得一讚！！瑞士汁牛河亦有驚喜！份量大大碟，女仔一定會食唔唒！河粉同牛肉都充滿瑞士汁味，味道好正，感覺冇干炒牛河咁油膩。喺繁忙嘅午飯時段都能造出好味嘅菜色，都值得一試