甜點

Open Now

Now Closed

天氣開始轉冷，唔知點解個人特別想食一啲甜點。咁啱知道跟住大窩口嘅呢一度開咗一間甜品店，響下午茶時間就同朋友嚟食一下！入面除咗甜品之外，原來仲有好幾款鹹點可以食！我個人要咗一份燕窩燉甜椰！燕窩份量都不少，燉甜椰好香甜好滑！椰味芳香撲鼻！而且份量都好多！椰香奶香充滿整個味蕾！另外要咗個桂圓紅棗燉桃膠！好香好滋潤！估唔到連桃膠嘅份量都有咁多！報道話桃膠好啱女性食！滋陰養顏！而且能夠改善腸道暢通！食多少少罪惡咁都冇咁重！芒果脆方磚，份量好大，每一塊多士都沾滿又有香，外脆內軟！上面仲有一球曲奇雪糕！和芒果可能不是時令，所以不夠甜， 有少少美中不足。不過整體口感同埋味道都不錯！我哋重點左一份餃子，估唔到煎得金黃香脆！呢度如果多人仲有一個偏廳可以包場。呢度嘅甜品都唔錯，最驚喜嘅係有桃膠食！下次一定再來！