Video
Read full review
2017-08-29
11986 views
話係Happy Friday，又話想試呢間野好耐。唔理咩原因啦，想見朋友係唔需要原因嘅！我因為放工後有d野做所以遲join，聽講呢間野要等好耐，勞煩朋友代等了。好彩問番佢地，佢地話等左半個鐘到，唔算太耐。去到嘅時候，嘩條隊勁長。我真係幸運。叫左好多野食：咖哩牛腩法包沙律、北極蝦吐司佐茴香葉、燻雞吐司披薩同埋草莓冰淇淋鬆餅。咖哩牛腩法包沙律法包外皮挺身，內裏軟熟。法包平時真係唔會食，今次點埋咖哩一齊食，我食左幾舊！D牛腩好多又大舊，真係食唔到咁多！北極蝦吐司佐茴香葉唔知d蝦係咪喺北極黎啦，一塊麵包上面堆滿細細隻蝦仔，d蝦甜甜地，新鮮好味。碟上有兩個檸檬角，唧堆d檸檬落d蝦度，即刻鮮味加倍！隔離重有d炒過嘅薯仔，我好鍾意食d腍腍地嘅野，呢個薯仔炒得啱啱好呈金黃色，外面脆入面腍。燻雞吐司披薩唔好睇佢好似一塊普通多士咁細，原來內藏乾坤！薄薄一片雞肉放喺包面，比上面熔左嫌烘焦嘅芝士遮蓋，唔通佢怕羞？切開先睇到入面有磨菇同蕃茄。所以話唔好齋睇外表呀～原來咁足料，因為擺左喺包入面，烘嘅時候唔會烘到乾曬，水份都鎖曬喺包入面，呢超高呀。唔食過唔知原來雞肉、磨菇同蕃茄味道係咁夾架！好juicy。有野食冇野
我因為放工後有d野做所以遲join，聽講呢間野要等好耐，勞煩朋友代等了。好彩問番佢地，佢地話等左半個鐘到，唔算太耐。
去到嘅時候，嘩條隊勁長。我真係幸運。
叫左好多野食：咖哩牛腩法包沙律、北極蝦吐司佐茴香葉、燻雞吐司披薩同埋草莓冰淇淋鬆餅。
咖哩牛腩法包沙律法包外皮挺身，內裏軟熟。法包平時真係唔會食，今次點埋咖哩一齊食，我食左幾舊！D牛腩好多又大舊，真係食唔到咁多！
北極蝦吐司佐茴香葉唔知d蝦係咪喺北極黎啦，一塊麵包上面堆滿細細隻蝦仔，d蝦甜甜地，新鮮好味。碟上有兩個檸檬角，唧堆d檸檬落d蝦度，即刻鮮味加倍！隔離重有d炒過嘅薯仔，我好鍾意食d腍腍地嘅野，呢個薯仔炒得啱啱好呈金黃色，外面脆入面腍。
燻雞吐司披薩唔好睇佢好似一塊普通多士咁細，原來內藏乾坤！薄薄一片雞肉放喺包面，比上面熔左嫌烘焦嘅芝士遮蓋，唔通佢怕羞？切開先睇到入面有磨菇同蕃茄。所以話唔好齋睇外表呀～原來咁足料，因為擺左喺包入面，烘嘅時候唔會烘到乾曬，水份都鎖曬喺包入面，呢超高呀。唔食過唔知原來雞肉、磨菇同蕃茄味道係咁夾架！好juicy。
有野食冇野飲硬係覺得爭咁d。間餐廳叫得咖啡弄，我諗點都要試一試佢d咖啡掛～我地一行三人，每人各自點了一杯野飲：冰鮮果茶、海鹽焦糖拿鐵同埋榛果拿鐵咖啡。
冰鮮果茶飲落好fresh，好似一次過食悶好多唔同生果落肚咁呀！一飲，成個人覺得好清新，好舒服。雖然味道同燈汁差唔多，但係新鮮搾出黎，見到同食到果肉。
海鹽焦糖拿鐵一上枱就已經令我忍唔住要照機食先啦。咖啡中央有心形拉花😍，旁邊重有一座山咁高嘅邪惡cream，cream上面重要唧左焦糖醬，真係好sweet呀！
榛果拿鐵咖啡好多泡泡，d泡泡嘅厚度有差唔多接近1cm咁高，好似多到要漏出黎咁。飲果陣要飲好大啖先飲到咖啡，可想而見d泡有幾厚。泡上面曬左d榛子碎，飲嘅時候更有口感，嫌唔夠「口感」嘅話，咖啡旁邊重有兩塊曲奇比你邊飲邊嘆。輕如空氣嘅泡泡加上幼滑咖啡同硬身嘅榛子碎，可謂一次過嚐盡固體、液體同氣體！
最期待嘅「主食」終於出場啦，佢就係草莓冰淇淋鬆餅啦！黎咖啡弄其實係比佢d甜品吸引，黎都係主要想食甜品，所以話甜品係主食。四塊鬆餅一個疊一個，大量士多啤梨分別蓋喺士多啤梨雪糕同類似吉士嘅忌廉上面。鬆餅一定要趁熱食啊！好香好鬆化，入口好有蛋香，好有滿足感。雪糕又要趁凍食喎！士多啤梨雪糕加上士多啤梨酸酸甜甜，好開胃。熱嘅鬆餅同凍嘅雪糕一齊食，冰火交融，特別滋味！
朋友重特別為我準備左生日蛋糕。多謝我嘅好朋友啊！今晚真係好開心！捧住個巨肚番屋企，大滿足！
Post
