Video
Read full review
2021-07-04
10 views
聼同事介紹，佢有個FD近排響銅鑼灣樓上鋪頭開左間餐廳，話自己試過超surprise，仲懶神秘唔講我知食咩，净係叫我上去試下你就知喇，包我滿意。講到呢個份上，本身我好奇心就重，我仲特登唔上網search，一於直接上去餐廳試下。 呢間鋪頭都好易揾，有吧嘅feel，裝修新敬又夠糧，唔似傳統嘅餐廳，應該算係吧同西餐廳嘅混合，感覺係度點份牛扒，飲杯野，應該都幾chill下。但係我估錯曬，居然係食潮州菜嘅！係一間有吧元素同西餐風格嘅餐廳入面食潮州菜，真係有少少顛覆我嘅想象。 餐廳嘅裝修佈置已經令我有D Surprise，唔知食物質素點呢？因爲我地就係三個人去，就叫左一個二人餐同海鮮拼盤share黎食。二人餐分量都幾足，有湯、鵝肝、鹵水鵝肉、脆炸拼盤、炒米等。當中我認爲最好食嘅係鵝肉同炒米。呢個鹵水鵝肉應該係招牌野，鵝肉處理得幾好，肥瘦適中，肉質嫩滑，無陣鵝肉騷味，調味上鹵水汁調得都岩岩好，夠味而又唔會太鹹令你越食越頸渴，同鵝肉好夾，食落滿滿汁水，味道甘甜，比好多打冷都做得好。 炒米粉係潮式嘅，雖然我就唔知正宗嘅係點，但係我净係知好好味，個炒粉落咗好多料，可以食得出用嘅XO醬幾靚，瑤柱香味都好明顯下
呢間鋪頭都好易揾，有吧嘅feel，裝修新敬又夠糧，唔似傳統嘅餐廳，應該算係吧同西餐廳嘅混合，感覺係度點份牛扒，飲杯野，應該都幾chill下。但係我估錯曬，居然係食潮州菜嘅！係一間有吧元素同西餐風格嘅餐廳入面食潮州菜，真係有少少顛覆我嘅想象。
餐廳嘅裝修佈置已經令我有D Surprise，唔知食物質素點呢？因爲我地就係三個人去，就叫左一個二人餐同海鮮拼盤share黎食。二人餐分量都幾足，有湯、鵝肝、鹵水鵝肉、脆炸拼盤、炒米等。當中我認爲最好食嘅係鵝肉同炒米。
呢個鹵水鵝肉應該係招牌野，鵝肉處理得幾好，肥瘦適中，肉質嫩滑，無陣鵝肉騷味，調味上鹵水汁調得都岩岩好，夠味而又唔會太鹹令你越食越頸渴，同鵝肉好夾，食落滿滿汁水，味道甘甜，比好多打冷都做得好。
炒米粉係潮式嘅，雖然我就唔知正宗嘅係點，但係我净係知好好味，個炒粉落咗好多料，可以食得出用嘅XO醬幾靚，瑤柱香味都好明顯下，而且炒得夠曬乾身，所以食落係好夠鍋氣同夠曬香，越食就越令我有食欲，都係迅速清盤。
跟住就係我都幾期待嘅海鮮拼盤，由4種海鮮組成，有蟶子、鮑魚、墨魚同海蝦，冰鎮效果做得幾好，令海鮮鮮味最大程度發揮出黎之餘，口感又係最一流嘅狀態，都爽口彈牙，食起身好爽。味道方面，海鮮係用白鹵水去浸熟，自家製嘅，好處就係唔至於太鹹，Cum過海鮮鮮味，但係有提鮮嘅效果，食落去鹹鮮微甜，味道好配合，就咁食已經好鮮甜，仲有個泰式醬汁可以比我地點黎食，酸酸甜甜，都另有一番風味，冰冰涼涼，係好岩夏天嘅一道美食。我自己就最中意食海蝦，鮮味道最濃鬱，超正！
總括而言，邊個話老店整潮州野先好食，估唔到呢種年青人開嘅新派潮州菜唔單止裝修環境大膽有突破，食物出品精緻有心思，絕對唔輸平時嘅打冷，岩曬想試下新野嘅朋友。
0 views
0 likes
0 comments
Post
