Lab 66 (Closed)

2016年6月6日結婚紀念日，到Lab66叫6樣嘢食，希望六六無窮啦！我兩星期前已在策劃呢餐飯，上星期更自己踩線睇下地方。工作人員好熱情招待，當知道我訂咗枱結婚週年紀念，已在訂座本簿寫低，很細緻的服務。尋晚去到已經感到家一樣。我地獲安排坐上層，地方很舒服。我地叫咗帶子墨汁意大利粉， 蠔餅，豬不理沙律，墨魚串，鰻魚鍋飯同開心果雪糕，大少爺就要咗杯朱古力特飮。我唔每樣講喇，因為全部都好好食，價錢亦好合理。剛岀門口大少爺已經同我講定要每月嚟一次，返到屋企同我講話掛住Pinky姐姐，我問邊個係Pinky姐姐，原來係照顧我地張枱嘅工作人員。小朋友真係開心好簡單。星期六小一派位後，兩公婆都傍徨，瞓都瞓唔到，老婆連結婚週年都唔記得。呢餐飯終於令老婆崩緊嘅面重現笑容。