每日

Open Now

Now Closed

如果鍾意食素嘅朋友呢一間餐廳一定唔可以錯過。有一日經過山林道排晒長龍，唔知發生咩事？望一望原來係素食自助餐，於是同自己講點都要搵一次嚟試吓，終於今日唔使排隊，晏晝食每位只係$98，性價比非常之高，最特別嘅係款式幾多，再唔係以前我哋食嘅齋菜，而係好多新款好特色嘅菜式，例如有pizza、合桃做嘅咕嚕肉、錦鹵雲吞、春卷、漢堡包咁嘅形狀三文治、煎蓮藕餅、豬腳薑嘅蛋當然冇豬腳薑啦！又有好靚嘅沙律、水果、甜品、飲品、湯、糖水、冷盤，總之係好開心嘅一個過程，令你好滿足好滿足咁走，鍾意食蔬菜嘅我真係超開心，一定要去試吓啦！