U@Cafe (Closed)

喺九龍公園打完波，攰攰地又想食啲嘢，經過呢間幾正又企理嘅咖啡店，店內提供多種甜品，呢個好吸引嘅岩燒火焰吐司，所以就同朋友坐低一齊食嘢補充體力。店內職員非常友善介紹，傾開先知原來係新開嘅咖啡店，開咗一個月左右。岩燒火焰吐司柚子肉鬆味用丹麥麵包新鮮即叫即做嘅岩燒吐司，入邊有兩層材料，第一層係肉鬆，下面嗰層係柚子，估唔到食起嚟嘅味道配搭得好好，10分驚喜。口感係酥皮感覺嘅軟綿綿，配上肉鬆柚子味，令人滿足呢！岩燒火焰吐司蒜蓉大蝦味另一款口味都非常吸引，蒜蓉味好香，一路等嘅時候已經聞到，同樣入口非常鬆軟，係一個相當特別又高質嘅下午茶呢！凍朱古力咖啡朱古力和咖啡味平衡，唔錯。熱泡沫咖啡入口香滑，配合吐司係一絕嘅飲品。店內仲有好多自家製嘅曲奇餅產品，都可以一試呢，店員送咗杏仁牛油曲奇俾我哋，入口都送花好味。