我愛慢煮 (孖沙街) (Closed)

上個月和朋友去行完PQM後，去左依間同樣在上環的普慶坊分店食，美味難忘事後朋友話又想encore。今晚去番近MTR 依間新店食，水準不俗好味依然。炸蕃薯條 $28入口香甜唔油膩，脆卜卜的口感令人食上癮，想必是佐酒解口痕的必食之選。牛油卡真蝦仁串 $36蝦仁六隻爽口彈牙，牛油和蒜粉調味煎得香口，味道滿分。芝士溫泉蛋大啡菇 $36半溶的芝士片蓋住溫泉蛋，疊在厚肉的大啡菇上，一刀劏開蛋汁流出，見到仲唔流晒口水咩~墨西哥粟米花 $28粟米原條上，塗滿牛油芝士粉非常美味可口，拎上手比較論盡，最後都係切粒食好。美式煙烤豬仔骨 $118大大件肉質嫩，BBQ醬汁勁多，味道唔錯。法式油封鴨髀 $118鴨髀兩隻賣相靚仔，和朋友每人一隻開心食。鴨皮薄肉質嫩油脂少，食落唔油膩亦唔羶，啖啖肉口感非常滿足。無醬汁就咁食有啲寡，自行加了茄汁，味道出奇地夾幾好味。慢煮白酒菠蘿配意大利雪糕 $38新鮮大片的菠蘿滲透了白酒香果味突出，加上薄薄的焦糖提昇甜度，搭埋雲呢拿雪糕冷熱交融，合起雙眼就是一種享受。