Terrace in seaside (新城市廣場一期)

Open Now

Now Closed

同小朋友去完Dino Park，就去左「Terrence in Seaside」晚餐，呢間餐廳真係好有特色！入到去，見到橙色為主調，搭配橘子元素，令人有種好舒適自在嘅感覺。餐廳主打韓國fusion菜，真係好有創意，仲會隨著不同節日同時令食材去調整菜單，令你每次來都有新驚喜！今次我試咗幾樣食物，真係好滿足！「嫩綠蘆筍蟹肉飯卷」超級鮮味！蘆筍爽脆，蟹肉更加令整個飯卷升級，口感同味道都好搭，真係好想再食多一份。主食「啖啖蟹肉千層麵」，蟹肉分量十足，層層麵皮都好薄，咬落去就有滿滿嘅蟹肉味，真係一口接一口，停唔到手！「黑白熊貓Oreo蛋糕」外形可愛，Oreo味道濃烈，蛋糕質地又細膩，甜而不膩，絕對啱我口味。萬聖節主題「惡鬼荊棘海提子沙冰」，真係好有創意！沙冰滑滑，搭配海提子嘅酸甜，非常消暑解渴。呢個「青提寒天啫喱奶蓋」顏色靚，啫喱滑滑，青提味道清新，奶蓋就係啱啱好嘅甜，口感層次豐富，夏天飲正好！總結嚟講，「Terrence in Seaside」不單止係食物好味，環境同服務亦都好好，值得一試。