五目屋

Open Now

Now Closed

香港主打蛋包飯餐廳開到成行成市，要突圍而出絕非易事。呢間位於灣仔嘅餐廳可謂其中既表表者，份量多兼且價廉物美。我地分別點左兩個套餐同幾款小食。首先點左個人氣之選特製吉列豬扒蛋包飯，炸到金黃爽脆嘅豬扒，配埋店方自家配方調製嘅日式咖哩汁，完全滿足到洋食派的喜好!日式咖喱蛋包飯當然係必食啦， 咖喱嘅味香濃，微甜辣， 搭配煎得軟嫩適宜嘅滑蛋包裹嘅米飯喺口中咀嚼之後，層層滋味完美融合。跟住叫左條蒲燒鰻魚蛋包飯，喺坊間完全食唔到咁大條嘅鰻魚，加上秘製嘅燒汁，頓時令胃口大開。套餐除咗包括主食外，仲配埋沙律同餐湯/餐飲。我地就叫左餐湯，是日餐湯係南瓜啡菇湯，碗湯色彩鮮豔，南瓜味好出，配以菇類相當有嚼頭!小食方面，我地就叫左一客野菜同炸生蠔，蔬菜十分新鮮，用吉列方法將生蠔炸至脆卜卜，吃時外層酥化、內裏多汁鮮甜，伴以柚子蛋黃醬，味道清新不膩，特別香脆。做出來的味道和口感，絕對能媲美大排檔。