LAVA Bar & Restaurant (Closed)

太子呢條街入夜之後酒吧餐廳就會愈來愈多人，今晚去飲嘢之前就先來呢間lava食晚餐，水準唔錯有驚喜。meun清楚簡單，飲品嘅選擇都唔少。各人點左一杯水果smoothie$68，好重奶味，飲落似水果奶昔，我自己個杯士多啤梨奶昔，飲得出士多啤梨嘅味道，朋友嗰杯芒果奶昔，奶味較搶。西班牙薯仔奄列＄72，細細碟，作為前菜啱啱好，薯仔輕輕煎過，味道好香，奄列好厚身，食落好有層次感。牛腩手工包千層腐皮＄69，真係第一次試，外面係中式蒸包皮，牛腩夠淋而且入味，腐皮增加口感，上面嘅洋蔥仲係自家製，呢樣真係幾特別。西班牙海鮮炒飯＄260，食西班牙菜當然要叫返一份海鮮炒飯，佢哋可以選擇加龍蝦，就價錢大約三百幾蚊，今晚我哋就無叫，但呢個都唔少野，海鮮飯係偏硬身個款，配上海鮮湯煮飯，完全吸盡精華。上面有蝦，蜆肉，魷魚，同埋辣肉腸，味道較重，整體非常好食。