Amante Bar & Restaurant (Closed)

今日朋友約我去東涌行outlet,行完後在富東商場地下見到間幾精緻又有情調的西餐廳，朋友話入去一試，坐落環境唔錯坐位舒適，有柔和音樂。先點咗海鮮拼盤，有生蠔，螺，青口和蝦，生蠔唔算大隻，但超新鮮，入口creamy有海水味；蝦、青口同螺爽口彈牙，鮮味十足。朋友話好鍾意食青口，再來一碟，廚師用香草，牛油，洋蔥加少少白酒煮，肉質鮮嫩又惹味，朋友一個人好快食晒成碟，佢話好食到無朋友。再來一個粟米忌廉湯，湯用新鮮粟米加忌廉打成，入口全部都係粟米蓉再加自家制香脆麵包，簡直係我嘅favourite。主菜叫咗羊扒架及虎蝦意粉，羊架肉質鮮嫩，食落後有少許騷，好有羊味唔錯。虎蝦意粉用上爽口彈牙的帶子加啡菇煮十分惹味。最後食埋女仕至愛的甜品blue berry cheese cake簡直無得輸，無諗過東涌有間咁正的餐廳，值得再次encoure！