群記牛肉圓豬手

Open Now

Now Closed

難得黎到粉嶺，一於試下好出名既群記。呢度裝修好似八九十年代咁，用紅紙毛筆字寫上菜式名，同埋係冇冷氣嘅。好彩佢嗰日都唔算好熱，佢嘅風扇其實都係幾大風。不過炎炎夏日的話，未必係一個好嘅選擇。講返食物先，因為我係一個人黎，叫咗佢最出名嘅牛丸豬手麵+可樂。牛丸食得出係自家造，新鮮不過牛味唔算突出；豬手整到好軟，唔係好濃味果種，少少調味；湯底都係屬於比較清淡嗰款，所以都忍唔住加少少本身跟埋嘅辣椒油。個辣椒油簡直係神來之筆，令到成碗麵生色不少，相信過辣椒油都係自家製，平時嘅辣椒油好少會有一種蒜蓉嘅味道，辣椒油亦都可能比出面一般冇咁辣，由於個辣椒油太出色，埋單嗰陣問佢哋可唔可以買一樽，佢哋用咗個外賣兜畢咗一半俾我（HKD70/半斤）。