紅堂 (Closed)

呢幾日天氣涼涼地，去完灣仔碼頭散心同影貓就諗住去近期見唔少人推介嘅呢間火鍋新店，當暖一暖身。餐廳裝潢都幾符合店名，偏中式同古式古香。整體環境較昏暗，座位闊落，幾有情調。東北酸菜白肉鍋 $168湯底嘅酸菜味好突出，類似平時食酸菜魚嘅湯味。加入火鍋配料後都食到陣陣嘅酸甜味，幾解膩。鍋內嘅白肉片份量唔少，肥瘦勻稱，更帶有湯底鮮甜味。原味嫩牛肉 $88超抵食嘅嫩牛肉，份量比想像中飽肚。牛肉口感超級嫩滑，肉質新鮮，帶濃郁牛香。十秒牛舌 $98牛舌偏小巧，但份量勝在夠多。口感相當有韌勁，但同時保留到爽口彈牙感，牛味突出。芝士牛肉棋子 $78賣相同菜式名一樣特別，上枱時煙霧瀰漫，打卡一流。外層為厚身牛肉餅，一咬即有澎湃流心芝士湧出，芝香為牛肉另添一份鹹香。紫菜響鈴 $68加入紫菜後嘅響鈴更顯層次感，稍微淥熟就食得，咬落脆中帶糯。雜菜拼盤 $98蔬菜兜內有齊生菜、金針菇、冬菇、本菇、南瓜、粟米等雜菜，整體新鮮爽口。寬粉 $28份量比想像中多嘅寬粉，呈現出晶瑩通透嘅質感，煙韌又滑溜。紅堂shake shake炸伊比利酥肉 $68酥肉本身嘅胡椒味同辣度都好夠，仲帶有少許麻勁。想重口味啲，可以將酥肉加入餐廳