和氣食堂 (黃大仙中心南館)

Open Now

Now Closed

Blue Monday要約朋友食飯解下悶，去左黃大仙中心南舘嘅"和氣食堂"食日本菜。平時好少來呢區搵食，估唔到有啲驚喜。餐廳都算闊落，老闆應該係好有童真，因門口位有個吊櫃放左好多龍珠卡通模型公仔，就連個餐牌都好有漫畫feel。我哋4人計埋飲品叫左8樣野，先來個小食-燒鱈魚棒，脆卜卜，唔點醬都好好味。火焰左口魚邊牛油果沙律，材料豐富新鮮，有牛油果、青瓜、車厘茄、栗米、仲有黑松露，都係第一次沙律撈埋黑松露一齊食好特別，左口魚肉質又夠滑。4點刺身魚生盛A，魚生夠凍又新鮮， 三文魚和油甘魚厚切又大塊。佢個泡菜黑豚肉鍋，熱辣辣，又有粉絲，好野味。千回火鳥，超正👍雞皮燒得又香又脆，雞肉嫩滑。安格斯牛肉炒飯，炒得夠乾身，大大碟份量十足，我哋4人都食唔晒，低食日式炒野菜都係一樣相當足料。見到餐牌好多唔同款式嘅抹茶雪糕甜品都非常吸引，可惜暫停供應，希望下次可以試到。