Video
Read full review
2023-06-15
86 views
欅 居酒屋九龍灣宏照道38號企業廣場5期Megabox11樓9號舖今日出去左九龍灣做野，收工緊係要約下朋友去chill，由於我地本身唔太熟悉九龍灣，於是我地行左去Mega Box搵食，去到11樓見到有間好特別既居酒居，朋友同我都決定要入去食飯放鬆一下。入到去餐廳，見到都有好多打工仔收工過黎食飯relax，我地就知道果然無揀錯地方，估唔到餐廳環境好舒服，燈光暗暗地好有feel，座位亦都好闊落。油甘魚沙律配酸汁啫喱油甘魚非常新鮮，而且重要係厚切，平時都係沾上豉油，今次係第一次配上酸汁食，食法都好特別，更加提升個鮮味。柚子胡椒鵝肝燒飯團唔洗多講，賣相十分吸引，超級厚身既鵝肝，我同朋友share岩岩好，勁邪惡，配上非常脆口既飯團，真係超級好味。柚子胡椒味道亦都好突出。燒三文魚飯團食既時候個飯團重係熱辣辣架，而且紫菜重係脆卜卜，每一啖都有濃濃既燒三文魚，正爆！！明太子雞肉 - 明太子咸咸地好正，雞肉燒到脆卜卜，口感好特別。厚燒牛舌 - 一碟有四大塊，每一塊都係厚切架，而且好彈牙而且又唔韌，好有驚喜的一道菜。美國牛小排 -賣相好吸引，而且牛味好重，燒到好香同埋好淋，值得加分。美國牛柳粒 - 佢個特
九龍灣宏照道38號企業廣場5期Megabox11樓9號舖
今日出去左九龍灣做野，收工緊係要約下朋友去chill，由於我地本身唔太熟悉九龍灣，於是我地行左去Mega Box搵食，去到11樓見到有間好特別既居酒居，朋友同我都決定要入去食飯放鬆一下。
入到去餐廳，見到都有好多打工仔收工過黎食飯relax，我地就知道果然無揀錯地方，估唔到餐廳環境好舒服，燈光暗暗地好有feel，座位亦都好闊落。
油甘魚沙律配酸汁啫喱
油甘魚非常新鮮，而且重要係厚切，平時都係沾上豉油，今次係第一次配上酸汁食，食法都好特別，更加提升個鮮味。
柚子胡椒鵝肝燒飯團
唔洗多講，賣相十分吸引，超級厚身既鵝肝，我同朋友share岩岩好，勁邪惡，配上非常脆口既飯團，真係超級好味。柚子胡椒味道亦都好突出。
燒三文魚飯團
食既時候個飯團重係熱辣辣架，而且紫菜重係脆卜卜，每一啖都有濃濃既燒三文魚，正爆！！
明太子雞肉 - 明太子咸咸地好正，雞肉燒到脆卜卜，口感好特別。
厚燒牛舌 - 一碟有四大塊，每一塊都係厚切架，而且好彈牙而且又唔韌，好有驚喜的一道菜。
美國牛小排 -賣相好吸引，而且牛味好重，燒到好香同埋好淋，值得加分。
美國牛柳粒 - 佢個特別調配既醬汁甜甜地好特別，令到成件事都好入味。而且食落好有口感。
焦糖菠蘿 - 趁熱食既時候重食到出面脆卜卜，燒到好重脆，重點係個菠蘿超級甜！！
木桶豆腐
一大桶份量都幾多，每人應該可以食到兩碗，而且餐廳有各款調味自由搭配。本人就好中意加蔥食，咸既豆腐估唔到又有另一番風味。
炭火蒲燒原條鰻魚
需要花少少時候等候師傅燒，保溫方面做得非常之好，而且鰻魚非常爽口，配埋個啤酒簡直無得頂！
Post
