The Balcony (Closed)

收左工，想同好朋友搵個舒服的環境傾下計同食飯，經朋友介紹，就試一試。咁我地兩個人就叫左個set dinner，有沙律，有湯，兩個前菜，兩個主菜同埋一個甜品。佢個秘製龍蝦湯非常香濃順滑，係真材實料的味道，極度推介!我同朋友都覺得呢度的菜式都幾有新意。先講下西班牙豬扒配香菇意大利飯，西班牙豬扒肉質雖然唔算嫩，但味道控制得非常好，而且好juicy，不錯!佢個香菇意大利飯香菇味極重，中意食香菇的人就至啱。而不得不說我超中意呢個新西蘭鱈魚柳配泡菜茨茸。非常創新，但味道又出奇地夾，正! 新西蘭鱈魚柳外脆內嫩，調味適中，好味!而個泡菜茨茸，口感更豐富。甜品就係薑味雪糕，一試難忘!