Video
Read full review
2014-06-08
827 views
平時嘅我好鐘意食一塊塊朱古力，但對朱古力味嘅雪糕熱情只係好嘛嘛～不過今日經過中環士丹尼街見到一間新開嘅朱古力店有啲驚喜！本來見裝修幾靚，諗住買幾粒朱古力試下，無諗住食雪糕～但喺職員嘅推介下試食左4款口味（一共有12隻味），試左普通朱古力、黑朱古力、西瓜、榛子雲石！其中我覺得最有驚喜係黑朱古力味雪糕，因為一般其他地方食嘅都唔係好滑，仲可能會有啲粉粉地嘅感覺，但呢度就唔同，口感超滑，朱古力味好濃，吞左之後仲有好濃嘅朱古力加淡淡嘅蜂蜜香味留喺喉嚨～除左食雪糕，我仲飲左杯Espresso~前段有適當嘅果酸味道，唔會太苦澀，最難得就係無燶味，喺香港要搵杯唔燶嘅咖啡，真係唔易吖～呢度仲有用麥芽糖醇做嘅朱古力，話係關注糖尿病及追求健康人士之選，不過我無試～我試左粒有百年歷史嘅粒裝朱古力"Nougatine"係由黑朱古力包住脆糖榛子，好食唔太甜～連我3歲嘅侄女都掙住食～仲有"75% CUBOTTO CHOCAVIAR EXTRA FONDENTE" 魚子朱古力，唔係有魚子喺入面，係個樣似，有啲一粒粒喺表面，所以叫魚子朱古力～呢粒好濃，中間挾有軟身嘅黑朱古力！唔鐘意苦味，又唔鐘意太甜嘅人就啱晒喇～
平時嘅我好鐘意食一塊塊朱古力，但對朱古力味嘅雪糕熱情只係好嘛嘛～不過今日經過中環士丹尼街見到一間新開嘅朱古力店有啲驚喜！
本來見裝修幾靚，諗住買幾粒朱古力試下，無諗住食雪糕～但喺職員嘅推介下試食左4款口味（一共有12隻味）
，試左普通朱古力、黑朱古力、西瓜、榛子雲石！其中我覺得最有驚喜係黑朱古力味雪糕，因為一般其他地方食嘅都唔係好滑，仲可能會有啲粉粉地嘅感覺，但呢度就唔同，口感超滑，朱古力味好濃，吞左之後仲有好濃嘅朱古力加淡淡嘅蜂蜜香味留喺喉嚨～
除左食雪糕，我仲飲左杯Espresso~
前段有適當嘅果酸味道，唔會太苦澀，最難得就係無燶味，喺香港要搵杯唔燶嘅咖啡，真係唔易吖～
呢度仲有用麥芽糖醇做嘅朱古力，話係關注糖尿病及追求健康人士之選，不過我無試～我試左粒有百年歷史嘅粒裝朱古力"Nougatine"
係由黑朱古力包住脆糖榛子，好食唔太甜～連我3歲嘅侄女都掙住食～
仲有"75% CUBOTTO CHOCAVIAR EXTRA FONDENTE" 魚子朱古力，唔係有魚子喺入面，係個樣似，有啲一粒粒喺表面，所以叫魚子朱古力～呢粒好濃，中間挾有軟身嘅黑朱古力！
唔鐘意苦味，又唔鐘意太甜嘅人就啱晒喇～
Post
