Video
Read full review
2019-09-22
143 views
今晚簡簡單單去咗西九龍中心呢間餐廳食Dinner，點知有驚喜，嘢食仲平靚正！睇完 menu，見到廚師推介嘅貴妃蝦球，好似好吸引就叫咗嚟試下。薄薄嘅脆漿，包住入面爽嫩嘅蝦球，加埋外面甜中帶微酸嘅醬，非常好味！另外諗住叫一個菜，所以就叫咗蝦醬鮮魷炒通菜。通常出面食飯叫蝦醬嘅菜式，都會好鹹好濃味，食完非常之口渴。但係佢呢個蝦醬唔算太濃味，我哋就覺得啱啱好，仲有少少鑊氣，好香。飲品方面，我哋叫左凍檸檬柚子蜜同埋熱杏仁霜。凍檸檬柚子蜜，檸檬同埋柚子都好多，好足料，飲完再加水都夠味可以飲多半杯。熱杏仁霜，值得一讚，好夠香濃杏仁味。食完之後準備埋單，睇一睇張單，哇！原來而家全單七折（呢張單上面係已經七折咗嘅價錢！）真係又平又好食！！！超滿足！
今晚簡簡單單去咗西九龍中心呢間餐廳食Dinner，點知有驚喜，嘢食仲平靚正！
睇完 menu，見到廚師推介嘅貴妃蝦球，好似好吸引就叫咗嚟試下。
薄薄嘅脆漿，包住入面爽嫩嘅蝦球，加埋外面甜中帶微酸嘅醬，非常好味！
另外諗住叫一個菜，所以就叫咗蝦醬鮮魷炒通菜。
通常出面食飯叫蝦醬嘅菜式，都會好鹹好濃味，食完非常之口渴。但係佢呢個蝦醬唔算太濃味，我哋就覺得啱啱好，仲有少少鑊氣，好香。
飲品方面，我哋叫左凍檸檬柚子蜜同埋熱杏仁霜。凍檸檬柚子蜜，檸檬同埋柚子都好多，好足料，飲完再加水都夠味可以飲多半杯。熱杏仁霜，值得一讚，好夠香濃杏仁味。
食完之後準備埋單，睇一睇張單，哇！原來而家全單七折（呢張單上面係已經七折咗嘅價錢！）
真係又平又好食！！！超滿足！
Post
