Video
Read full review
2020-10-20
2763 views
定期都會幫襯一下呢間餐廳，雖然係貴d，但佢嘅水準一直都喺高水平，每次食完都覺得物有所值嘅!今次有期間限定:秋刀魚+海膽祭，雖然一直鍾情於海膽，但由於對秋刀魚都無咩好感，所以呢間餐廳推出嘅秋刀魚+海膽祭想去嘅衝動硬係差左少少。但有人介紹話最近嘅秋刀魚好肥美，係食嘅好時機，所以最後都決定去試一試!一係就唔試，一試真係推翻我對秋刀魚嘅壞印象。值得我一寫再寫食評呀！秋刀魚真係一dd腥味都無，鮮、肥同魚味濃郁，再做成刺身壽司同熟食，真係不同凡響呀！至於海膽，呢間餐廳一直都無令我失望架，新鮮、肥美!師傅做出嘅配撘每次都令我驚歎!介紹返今次嘅菜色先，首先係三點前菜，白酒海鮮啫喱食落有好香嘅白酒味，南瓜沙律味道帶少少酸非常醒胃，最尾係煮螺，都係唔會令人失望!之後就到主角啦！先食刺身，首先係秋刀魚刺身，其實食個陣真係驚驚地，驚會好腥。點知絕對無d咁嘅事，佢嘅魚味好濃，食落口有少少油脂，配搭薑豉油同香葱實在太好味啦！之後再有一款秋刀魚鳴門卷，其實係用紫菜包住d秋刀魚刺身同薑，咁樣食又唔同d，係梗好味，魚味比起淨食刺身嘅時候更濃郁呀！實在係正!到海膽啦！有吞拿魚腩蓉海膽同蟹膏豆腐海膽!真係不得了，蟹膏豆腐海
秋刀魚真係一dd腥味都無，鮮、肥同魚味濃郁，再做成刺身壽司同熟食，真係不同凡響呀！至於海膽，呢間餐廳一直都無令我失望架，新鮮、肥美!師傅做出嘅配撘每次都令我驚歎!
介紹返今次嘅菜色先，首先係三點前菜，白酒海鮮啫喱食落有好香嘅白酒味，南瓜沙律味道帶少少酸非常醒胃，最尾係煮螺，都係唔會令人失望!
三點前菜
89 views
1 likes
0 comments
之後就到主角啦！先食刺身，首先係秋刀魚刺身，其實食個陣真係驚驚地，驚會好腥。點知絕對無d咁嘅事，佢嘅魚味好濃，食落口有少少油脂，配搭薑豉油同香葱實在太好味啦！之後再有一款秋刀魚鳴門卷，其實係用紫菜包住d秋刀魚刺身同薑，咁樣食又唔同d，係梗好味，魚味比起淨食刺身嘅時候更濃郁呀！實在係正!
秋刀魚刺身
51 views
0 likes
0 comments
秋刀魚鳴門卷
29 views
0 likes
0 comments
到海膽啦！有吞拿魚腩蓉海膽同蟹膏豆腐海膽!真係不得了，蟹膏豆腐海膽真係想食完再食呀！豆腐同海膽一定要一齊食先可以食到個種味道!兩種味非常配合!吞拿魚海膽係用鹽水海膽，魚蓉配海膽又另有一番風味!
吞拿魚腩蓉海膽
51 views
0 likes
0 comments
蟹膏豆腐海膽
22 views
0 likes
0 comments
刺身食完到壽司啦，北海道海膽壽司真係我嘅最愛，海膽味濃，飯唔係好多，海膽完全遮住左d飯，我諗愛好海膽嘅一定會好鍾意!至於火炙秋刀魚壽司，秋刀魚燒過之後散發出陣陣魚香，全無腥味，正!
北海道海膽壽司
29 views
0 likes
0 comments
火炙秋刀魚壽司
18 views
0 likes
0 comments
接住熟食方面，我第一次食炸海膽咋，用紫菜包住北海道海膽拎去炸，真係好食到形容唔到，一食完已經想食多一舊!秋刀紫蘇梅子卷，秋刀魚本身油脂比較多，燒完唔會好肥膩，反而散發陣陣香氣，有d似燒拖羅腩嘅口感，美味非常!仲有係和牛海膽卷，燒過嘅和牛脂肪同海膽二合為一，真係不得了!都係要一啖食曬架!
北海道海膽天婦羅
12 views
0 likes
0 comments
秋刀紫蘇梅子卷
13 views
0 likes
0 comments
和牛海膽卷
10 views
0 likes
0 comments
最後加埋魚湯同生果點綴，呢一餐完滿了!
鮮濃鱲魚湯
10 views
0 likes
0 comments
正所謂不時不食，只要喺啱嘅時候食秋刀魚，絕對會令你愛上佢，之前討厭秋刀嘅你，不彷試一試!
Post
