米走雞 (昭德大廈) (Closed)

早兩日朋友打黎約食飯，話帶我試新野，黃金芝士雞煲？我諗左好耐真係唔知咩一回事，諗極都唔明。上網一睇原來係芝士雞煲。好期待！6:30黎到，已經好多人等位，好彩有訂位姐，人齊就可以入座。兩個人食，點左個細既黃金芝士雞煲（2-3人份），細既特級雪花肥午，出前一丁，魚歡喜，響鈴，娃娃菜同油麥菜各半份，兩隻扇貝，仲有芝士。主角黃金芝士雞煲，黎到既時候已經非常興奮，一煲滿載芝士既雞煲，超香濃，濃郁香滑既芝士包住每一件雞肉，仲要所有雞肉都係雞腿肉，好嫩好滑，個煲既配料唔多，只有洋蔥同葱。食完大部分雞件後，就加上湯食其他配料，魚歡喜即墨魚滑，們樣勁可愛，好彈牙，而且咬落仲有粒粒墨魚粒，好有咬口！扇貝，好新鮮，又大隻，好鮮甜，加上芝士湯底，非常特別，雪花肥牛，唔係好肥，但牛味好濃。煮得耐都唔會硬！食到咁上下，放埋個出前一丁落去，再落芝士，超香濃芝士麵就咁誕生左。點都估唔到芝士用黎煮雞係咁特別，大家真係要「米走雞」！