La Resaca (Closed)

今次嚟到一間西班牙小店，試下佢啲西班牙菜一開始已經睇中咗西班牙海鮮飯，海鮮飯係連窩一齊上熱辣辣，有好多唔同嘅海鮮有大蝦，帶子，青口和原條章魚，全部海鮮都好新鮮同埋烹調得剛剛好，飯底係有好多唔同嘅配料啦有青豆，火腿，洋蔥，黃椒等等，啲配料好多好夾，個飯又好大好香，足夠兩個人食，真係好驚喜呀，另外亦都好貼心有檸檬一齊上，可以增加海鮮鮮味另外我哋嗌咗D小食有炸西班牙黑毛豬仔骨，豬仔骨鬆軟，啲肉已經離骨好易切開，豬仔骨雖然好似好大嚿骨，但係其實都好多肉，抵食 香煎牛舌: 牛舌係厚切，煎得剛剛好，軟熟又唔油膩，牛舌上還有一些金色毛毛，食落口好得意，感覺似魷魚絲，配埋牛舌都好好食 香炸蟹肉丸: 名副其實的蟹肉丸裏面全部都係蟹肉，面頭有啲特別嘅醬和蟹肉好夾雖然我們兩個都唔係好酒之人，但喺這間咁有情調嘅餐廳都要飲返兩杯，餐廳員工有推介西班牙檸檬啤酒，這杯檸檬啤酒真係好特別好好飲，唔係太酸，酒味亦唔重，好易入口，好適合我哋，推介得好好☺️總結味道滿分，擺盤賣相一流，店內環境清淨，適合朋友，情侶或家人聚餐傾偈🤗還有很多嘢食想試，烤乳豬，炸魷魚鬚，藍青口，黑松露薯條，甜品，諗起都想食，下次再嚟🤤