大門橫丁串燒手打烏龍麵店 (Closed)

昨晚同愛人行過金魚街, 原來呢度新開左一間以手打烏冬為題既店子, 見到門口有d燈籠好靚好吸引, 加上見到裡面都好熱鬧, 所以決定一試. 我要左地獄牛肉手打烏龍麵, 愛人點左什麼登別古法湯系列既燒豬頸肉烏龍麵…牛肉無什麼特別, 質數可以,地獄湯有別於一向在外吃的味道, 湯底明顯以多種材料熬成, 能看出絕不是兒戲之作, 味道特別香濃, 令嗜辣的我吃得津津樂道, 但我愛人試吃一口之後就狂飲可樂, 真是誇張...愛人點的登別古法湯味道清新, 感覺很特別, 雖然唔知用咩材料烹調, 但反正就是一試難忘的湯底, 要一提的是燒豬頸肉, 好好味..烏龍麵口感煙刃彈牙, 比一般所謂手打烏冬出眾很多, 在旺角來講確係一個驚喜… 食緊麵途中見到隔離d串燒好似好吸引, 就叫左我最愛既燒雞翼同燒雞軟骨試試, 本人喜歡佢燒得夠乾身, 但又唔”鞋”, 味道適中, 加上只係$8既關係…結果我encore埋燒豆, 燒冬菇, 燒八爪so…食到我個肚漲卜卜, 愛人仲笑我好似有左身己…但讚完之後都要彈一彈, 食物真係等得幾耐, 見到也有漏單既情況出現, 可能係新開張關係啦, 但服務方面都可以, 催佢都唔會黑口黑面, 解釋返因