水門雞飯 (百宜樓) (Closed)

上網search元朗美食，見到水門雞飯，睇下有咩介紹，圖片吸引。水門雞飯係 signature，一望就想食，配味飯仲有佢地碟醬汁，真係唔錯。刺身蝦都係一見鍾情，一碟六隻，磨左一啲苦瓜汁撈埋啲醋，碟邊有生既苦瓜伴著，醒胃。冬蔭公海鮮金邊粉，唔食得辛辣既就要叫多杯奶茶，金邊炒有五隻青口，有魷魚，有三隻蝦，又係驚喜。忘記左杯奶茶，奶+茶+甜味啱啱好，都好好飲。炒埋碟通菜，唯有暫時放棄串沙爹。兩個人食以上份量已經好夠，當見到芒果糯米飯個相，都要叫埋外賣先滿足。店舖裝潢雖然似茶餐廳，但服務方面都好好，員工都好勤快，整間舖都有活力，可能習慣都係食嘢快既香港人，食左45分鐘倒就走喇。