Video
Read full review
2024-12-13
51 views
平時無寫開食評，但每次嚟食完都好想幫佢寫，因為次次都有啲食物令人好有驚喜（最愛麵包和甜品🤩）！今次第三次嚟終於的起心肝寫，因為我覺得呢間鋪值得擁有更多客人。之前呢個舖位係一間好出色的素食店。好彩轉手之後一啲都唔遜色。講真，其實第一、二次嚟都覺得有啲貴，尤其是嗰時係無餐嗌，飲品都要單點。但係第一次嚟食的黃油雞。。。入面跟埋嘅兩片酸種包，係好食到令我印象好深刻，所以就有了下一次。第二次嚟食的開心果天使蛋糕，超鬆軟，簡直驚為天人，將平時至愛嘅朱古力蛋糕都比下去。其實佢哋個朱古力蛋糕已經係好好食，有不同口感，味道豐富⋯但係個天使蛋糕真係搶晒focus，因為完全冇expect過一個普通海綿蛋糕🍰可以咁出色。嗰次走嘅時候忍唔住要去讚下佢哋，先知道原來老闆之前係喺大角嘴開餅房（唔怪之得😏🤤），再加上佢用嘅開心果係特選的意大利食材，難怪咁好食😋！到今次嚟食，見到menu改進咗，飲品可以跟餐，加$10就有一杯熱薑檸茶😋，+$20咖啡，同埋仲有其他飲品。臨近聖誕，見到好多鉤織公仔，好可愛😍，又可以影相，好靚呀！最後仲發現原來係有得賣架！可見老闆除咗對食物有要求，仲不斷咁改進緊餐廳的服務和環境，抵讚！👍我係
之前呢個舖位係一間好出色的素食店。好彩轉手之後一啲都唔遜色。講真，其實第一、二次嚟都覺得有啲貴，尤其是嗰時係無餐嗌，飲品都要單點。但係第一次嚟食的黃油雞。。。入面跟埋嘅兩片酸種包，係好食到令我印象好深刻，所以就有了下一次。第二次嚟食的開心果天使蛋糕，超鬆軟，簡直驚為天人，將平時至愛嘅朱古力蛋糕都比下去。其實佢哋個朱古力蛋糕已經係好好食，有不同口感，味道豐富⋯但係個天使蛋糕真係搶晒focus，因為完全冇expect過一個普通海綿蛋糕🍰可以咁出色。嗰次走嘅時候忍唔住要去讚下佢哋，先知道原來老闆之前係喺大角嘴開餅房（唔怪之得😏🤤），再加上佢用嘅開心果係特選的意大利食材，難怪咁好食😋！
到今次嚟食，見到menu改進咗，飲品可以跟餐，加$10就有一杯熱薑檸茶😋，+$20咖啡，同埋仲有其他飲品。臨近聖誕，見到好多鉤織公仔，好可愛😍，又可以影相，好靚呀！最後仲發現原來係有得賣架！可見老闆除咗對食物有要求，仲不斷咁改進緊餐廳的服務和環境，抵讚！👍
我係過咗lunch hour嚟，可以慢慢坐，好舒服😌
不過今日人流少到我好驚佢哋做唔住，所以必須要幫佢哋寫一寫食評😂 我覺得佢哋食物味道、背後用嘅食材，絕對收得起呢個價錢。
聽老闆講而家仲可以上網訂佢哋嘅原個蛋糕🎂有機會一定會幫襯！🤩
芝士牛肉lasagna😋 焗盤唔算好大，但食完啱啱好，唔溜，好多芝士！（偷食咗一塊salami先記得影相😜）
紅酒燴牛肉配薯蓉，肉質好淋，不過今日嘅酸種包爭小小
薑檸茶😋 而家天氣開始凍，有薑茶飲真係好正🥹
Earl grey朱古力蛋糕😋 濃濃的朱古力，淡淡的伯爵茶味，濃滑之間夾雜頂層（可能係咖啡豆之類）的粒粒，再加埋清新的薄荷葉、鮮果。。。就係好夾囉🤩
焦糖布丁🍮😋 食落唔係好覺得有酒味，原來係加左喺糖漿度
Post
