Video
Read full review
2011-12-15
129 views
又有同事要離開我地喇，今晚用燒炭黎慶祝安東尼脫苦海 ﹗Farewell 感人飯局，哈哈。走進濕淋淋既橫行，轉個彎就到左鴻福，一陣濃烈既 up 味、霉味，加埋牆上佈滿污漬，場面都幾驚嚇。上次燒失左既碳爐返左黎喇，大家都只係為左佢而黎 ﹗上次全部比 1 分，今次好采有幾款新鮮海鮮撐吓場啫 ﹗咸豬骨冬瓜豆腐湯底，尊登揀啲特別既湯底，無咁悶麻。依個底無咩味，當清湯黎打囉。游水活花竹蝦，全餐最好食 ﹗好生猛 ﹗有五六吋咁長，大大隻、啖啖肉。質地爽彈，鮮味十足，仲帶有碳燒香味，好正呀 ﹗扇貝，淡茂茂又難燒，麻麻地。本地手切肥牛，平價貨，又乾又鞋，算罷啦。美國桶蠔，正呀 ﹗一打開即成全場焦點，每人限食一隻架乍 ﹗但要攞去洗一洗先，衛生啲好。每罐得五隻乍 ﹗白白滑滑，烚一烚，香甜味美，又嫩又充滿水份，好味道 ﹗魚扣，燒又得、烚又得，同樣爽口鮮味。指天椒要收錢架，細細碟太少囉。黑牛栢葉，未食過鞋烚烚既黑栢葉，又貴又唔爽又無味，放棄 ﹗寧願食一般白栢葉好過。金菇同蜂巢豆腐大路無特別，唔難食囉。活象拔蚌刺生，即叫即劏，爽甜超新鮮，夠爽脆，滿意。雞腎，爽口無難度啦。鱔碌，肥美欠奉，瘦左啲啲囉，再大條啲就更好。
咸豬骨冬瓜豆腐湯底，尊登揀啲特別既湯底，無咁悶麻。依個底無咩味，當清湯黎打囉。
游水活花竹蝦，全餐最好食 ﹗好生猛 ﹗有五六吋咁長，大大隻、啖啖肉。質地爽彈，鮮味十足，仲帶有碳燒香味，好正呀 ﹗
扇貝，淡茂茂又難燒，麻麻地。本地手切肥牛，平價貨，又乾又鞋，算罷啦。
美國桶蠔，正呀 ﹗一打開即成全場焦點，每人限食一隻架乍 ﹗但要攞去洗一洗先，衛生啲好。每罐得五隻乍 ﹗白白滑滑，烚一烚，香甜味美，又嫩又充滿水份，好味道 ﹗
魚扣，燒又得、烚又得，同樣爽口鮮味。指天椒要收錢架，細細碟太少囉。
黑牛栢葉，未食過鞋烚烚既黑栢葉，又貴又唔爽又無味，放棄 ﹗寧願食一般白栢葉好過。金菇同蜂巢豆腐大路無特別，唔難食囉。
活象拔蚌刺生，即叫即劏，爽甜超新鮮，夠爽脆，滿意。
雞腎，爽口無難度啦。
鱔碌，肥美欠奉，瘦左啲啲囉，再大條啲就更好。燒最惹味，外脆內嫰，好香口，好味道。
桂花蚌，發嗅桂花蚌，烚完一放落口即刻吐都吐唔切，又嗅仲那脷那喉，咩黎架？還好老闆都幫我地取消，起初老闆仲用懷疑既口敏話無理由架喎、係咁既味架喎、正常架喎。睇張相都見有啲唔妥啦。
鮮活鮑魚仔，好活躍周身郁 ﹗隻隻生生猛猛，郁身郁勢，好似急不及待跳入火海咁囉。味道真係非常鮮甜、肉質爽彈，太美味喇 ﹗鮑魚仔表演火上舞，精采 ﹗好鬼得意。新鮮靚海鮮真係唔洗點調味，用最簡單既煮法就最最最好味 ﹗
牛柳粒，好很靭又鞋既牛柳粒，算罷啦 ﹗
連殼生蠔，即叫即開，夠新鮮，不過佢地太瘦喇，好似營養不良咁。殼厚肉薄，殼厚勁難熟、好難燒 ﹗蠔肉薄衣衣，都試唔到咩味道、咩質地。
雞軟骨，好脆口，無咩特別。魚春，唔知係咩魚既魚春呢？越烚越硬，又無味，好難食。我食開啲門鱔春係越烚越香滑軟棉架喎。依度啲燒就幾好味，但一定要撈秘製醬先得，唔係就無味道。
皇帝菜，少食少食，免強食到，頂唔住佢陣青味。西洋菜，新鮮爽甜，當灶靚菜。
Post
