秋香螺螄粉

Open Now

Now Closed

屋企人接受唔到螺獅粉，唔可以响屋企煮，咁唯有出街食啦！問題係香港嘅螺獅粉店少之又少。好彩仲有秋香。之前响葵廣成日俾人話，咁嗰邊通風又確實唔好嘅。而家轉咗地鋪就乜問題都冇啦！ 店內裝修簡潔乾淨。幾張4人枱，坐得好舒服。價錢同之前一樣，仲多咗啲小食套餐。炸蛋螺獅粉（$46）食螺獅粉就一定要配炸蛋（我話嘅），炸蛋吸飽湯汁，等到最後食就真係滋味無窮。螺獅粉比米線Q彈，加埋啲配菜（豆角、酸笋、炸腐竹、花生），唔駛加餸都好豐富喇！豆筍套餐（$20）套餐包一罐飲品，一碟小食。豆筍就似涼拌腐皮，唔辣嘅，好清爽。終於食到心心念念嘅螺獅粉喇！好滿足。下次再去幫襯。