馬拉Go

Open Now

Now Closed

最近喺土瓜灣發現咗間新店，主打多款正宗馬拉菜，檳城蝦麵、叻沙、咖喱、芽菜雞、同時亦提供平靚正嘅小食同嘢飲～ 店內雖少但五臟俱全，五顏六色嘅裝修感覺氣氛滿滿，係值得幫襯嘅小店呀❣️呢度嘅自家秘製肉骨茶比起坊間甜，味道濃郁，藥材味突出，以多種香料加入肉排熬製而成，冬菇、淮山、油條等配料吸飽湯底嘅精華，飲完唔會覺得口乾，一啖湯一啖餸一啖飯都幾過癮😌另一個主食要咗芽菜雞飯配清雞湯，雞肉嫩滑，芽菜清新，湯低帶點雞油香氣，搭配油條令人感覺更加邪惡😈 廚師精選串燒有蝦同魚肉，前者爽口彈牙，後者滑溜新鮮，會話值得一試😋 想健康啲嘅亦可以叫櫻花蝦時菜，鮮甜無渣，性價比幾高～ 最後以甜品作結，斑斕椰絲卷軟糯Q彈，帶點淡淡嘅斑斕味，可惜得三嚿，唯有鬥快食🙈 焦糖菠蘿串燒酸酸甜甜咁，咬落仲會爆汁！壓軸出場嘅係小店自家製拉花同白咖啡，味道一試難忘，可以買多幾杯返去飲😬