智寶星親子餐廳

Open Now

Now Closed

可能因為疫情嘅關係，佢近排 做緊優惠，三歲以下小童唔使錢嘅我六月中去，大人 每位 HK$88， 可以用嚟嗌返食飯或者飲品。。 由7月開始加價去到 HK$100 大人。。裏面環境都算ok嘅，有唔同嘅區域畀小朋友玩，有波波池，跳彈床 ，積木區，大廚房，扮靚區， 有個木粒池 比較適合細啲嘅小朋友，大啲嘅小朋友可能覺得唔夠刺激以前佢有分時段嘅，但係而家平日就係任玩三個鐘，以入場時間開始計時3小時。 之前疫情好轉咗少少嘅時候，都真係好多人去，要預早訂定枱。 有少少清潔嘅擔憂: 就係人流會不斷喺唔同嘅時候入嚟，但係中間係冇特別嘅清潔時間㗎 只係可能偶然見到服務員拎住支清潔劑噴噴下，應該冇乜作用 好彩大部分小朋友都有戴口罩，所以 都會 衛生啲嘅。。。食嘢方面佢有幾個款式係餐嚟嘅，包埋餐湯今次試咗水門雞飯，同埋羅宋湯~ 兩樣嘢都正正常常啦，喺cafe嚟講算係質素ok 有加一服務費，可以免費入會儲分 (不過好似要儲好多分先有嘢換) 🤔