聚點 (Closed)

雞鴨鵝當中，相信香港人最常吃雞，雞要整得好食，的確好考功夫。朋友外賣後大推，所以今次要會唔會聚香雞的真面目。一進門口已經看到大大張聚香雞的海報，佢有別於豉油雞同霸王雞，係一種獨有嘅整法，包括三個醬汁：彊蔥、口水、同沙彊，我比較鍾意沙彊。雞味濃郁，夠滑，但又唔會過肥，食多幾舊都無問題，叫半隻可以食得爽D。餐牌上好貼心有推介款式，牛柳粒係其一，所以諗都冇諗就揀左。牛柳粒有好多配菜，所以感覺上好抵，又多元化，牛柳粒唔單單係日式先掂，小炒牛柳粒入哂味，味道又吊埋蔬菜嘅味，雙得益彰，都係最愛菜色之一。豉油皇大蝦，入哂味，而且夠爽夠彈牙，啜埋佢個蝦殻；蒸魚夠鮮味，而且夠大條，食埋佢D蔥，咁先夠完美。特別一提椒鹽鮮魷，外面食好多時都係好厚粉，但聚點超脆口，魷魚都有咬口。都係暫時食過最好食嘅椒鹽鮮魷之一