王家沙 (Closed)

上次黎都有好幾年喇 ﹗咁多間分店一直覺得最好食只得又一城依間乍 ﹗今日個 lunch 好早呢，十二點幾唔洗排隊真好 ﹗必食即蒸小籠包，好期待呀 ﹗點完菜即刻預備定醋開餐，正呀 ﹗朋友仔好快就要去日本工作，順道結埋婚入埋席，真係一條龍 ﹗今餐我請客當 farewell 啦 ﹗兩個人叫左五味菜，差不多啦，我已經好忍手架喇 ﹗咁耐無黎好多野想食啊 ﹗酸辣湯一碗，非常足料又豐富，味道一流 ﹗酸味夠而帶微辣，好開胃噃 ﹗顏色帶光澤，晶瑩剔透又吸引，聞落仲好香添 ﹗食落味道同溫度都好溫和，少左份澎湃感覺，似係一早煲好倒出黎，無即造有鑊氣既冶味 ﹗韮王炒鱔糊，韮王味道超級嗆呀 ﹗好勁呀 ﹗朋友仔鍾意韮王所以覺得好香，但我受唔到陣草青味架 ﹗成碟都食唔到囉 ﹗免強夾左幾條鱔絲試試，還可以啦 ﹗味道夠，但肉質不爽不彈 ﹗三鮮炒年糕，其實我唔多想叫依個架，但朋友仔好想食年糕，咁無所謂啦 ﹗因為年糕好飽肚架，食到最後始終都食剩依碟囉。有蝦、有菜、有肉，其實味道唔錯，我都有食過晒架，蝦爽肉嫩，一試無妨。東坡肉，燉得不肥不膩，唔好比佢既外表呃到呀 ﹗豬皮同肥膏程啫喱狀，入口即溶，豬肉燉得超級入味，同紅燒五花腩差